पंजाबी इन्फ्लुएन्सर, गायिका आणि नर्स नॅन्सी ग्रेवाल यांच्या हत्येनंतर कॅनडामध्ये खलिस्तानींना तीव्र विरोध केला जात आहे. कॅनेडियन डेमोक्रॅट्स, स्थानिक हिंदू आणि शीख संघटना तसेच राजकारण्यांनी खलिस्तान्यांबद्दल सोशल मीडियावर पोस्ट करून संताप व्यक्त केला. त्यांनी लिहिले – नॅन्सी एक चांगली व्यक्ती होती. आता 3 मार्च हा ‘अँटी खलिस्तान डे’ म्हणून साजरा केला जाईल. कॅनडाच्या विंडसरमध्ये राहणाऱ्या नॅन्सी ग्रेवाल यांची चाकूने भोसकून हत्या करण्यात आली होती. नॅन्सी सोशल मीडियावर खलिस्तानी चळवळीच्या विरोधात बोलत असत. त्यांच्या मृत्यूमुळे कॅनडाच्या राजकारण आणि पोलीस व्यवस्थेवर प्रश्नचिन्ह निर्माण झाले आहे.
