अहमदाबाद येथील सरदार वल्लभभाई पटेल आंतरराष्ट्रीय विमानतळावरून एअर इंडियाचे ‘बोईंग 787 ड्रीमलायनर’ विमान लंडन दिशेने निघाले आणि काही क्षणातच होत्याचे नव्हते झाले. हे प्रवासी विमान अवघ्या 32 सेकंदात रहिवासी भागात कोसळले आणि भयंकर स्फोट होऊन विमानाची राखरांगोळी झाली. यात विमानातील 241 प्रवाशांसह 290 हून अधिक लोकांचा दुर्दैवी मृत्यू झाला. या भयंकर अपघातामुळे संपूर्ण देशभरात शोककळा पसरली आहे.
काहींची कुटुंबियांना भेटण्याची ओढ, तर काहींची फिरण्याची, शिक्षणाची स्वप्न, तर काहींचे कायमचा लंडनला स्थायिक होण्याचे स्वप्न अवघ्या काही सेकंदातच नष्ट झाली. हिंदुस्थानच्या इतिहासातील ही अत्यंत भीषण विमान दुर्घटना असून अवघा देश सुन्न झाला आहे. मात्र नशिबाच्या साथीने या अपघाचात काही जणांचा जीव वाचला. यापैकीच एक म्हणजे ज्या मेडिकल कॉलेजमधील डॉक्टरांच्या वसतिगृहावर हे विमान आदळले त्या वसतीगृहातील एक विद्यार्थी.
#WATCH | Air India plane crash: “My son had gone to the hostel during lunch break, and the plane crashed there. My son is safe, and I have spoken to him. He jumped from the second floor, so he suffered some injuries,” says Ramila, who reached the civil hospital in Ahmedabad,… pic.twitter.com/MgMtvXBSou
— ANI (@ANI) June 12, 2025
मिळालेल्या माहितीनुसार, रमीला नावाच्या एका महिलेने तिच्या मुलाचा थरारक अनुभव सांगितला. रमीलाचा मुलगा अहमदाबादधील बी. जे. मेडिकल कॉलेजमधील डॉक्टरांचे वसतिगृहात राहतो. माझा मुलगा जेवणासाठी वसतिगृहात गेला होता, आणि याचवेळी हा अपघात झाला. ज्यावेळी मला या घटनेबाबत समजले तेव्हाच मला वाटलं होतं आता सगळचं संपल आहे. पण मी देवाचे आभार मानते कारण माझा मुलगा सुखरूप आहे, असे त्या म्हणाल्या.
रमीला पुढे म्हणाल्या की, जेव्हा हे विमान वसतिगृहावर आदळले त्याच क्षणी माझ्या मुलाने दुसऱ्या मजल्यावरून उडी मारली. त्यामुळे तो जखमी झाला आहे. मी त्याच्यासोबत फोनवर बोलले आहे. तो म्हणाला मला मम्मी मी ठीक आहे, फक्त थोडसं लागलं आहे, असे त्याने मला फोनवर सांगितले आहे.
