एअर इंडियाच्या आणखी एका विमानात तांत्रिक बिघाड झाल्याने दिल्ली-पॅरिस फ्लाइट AI143 रद्द करण्यात आली. उड्डाणापूर्वीच्या अनिवार्य तपासणीत काही तांत्रिक अडचणी आढळल्याने हा निर्णय घेण्यात आला. यामुळे 18 जून रोजी पॅरिसहून दिल्लीला येणारी उड्डाण AI142 रद्द करण्यात आली आहे.
याबाबत माहिती देताना एअर इंडियाच्या प्रवक्त्याने सांगितले की, उड्डाणापूर्वीच्या तपासणीत आढळलेली तांत्रिक अडचण सध्या दुरुस्त केली जात आहे. मात्र पॅरिसच्या चार्ल्स द गॉल (CDG) विमानतळावर रात्रीच्या उड्डाणांवर असलेल्या निर्बंधांमुळे हे उड्डाण रद्द करावे लागले. यामुळे प्रवाशांना झालेल्या गैरसोयीबद्दल एअर इंडियाने दिलगिरी व्यक्त केली आहे.
एअर इंडियाने प्रवाशांना हॉटेलमध्ये निवासाची सोय उपलब्ध करून दिली आहे. तसेच उड्डाण रद्द केल्यास पूर्ण परतावा किंवा विनामूल्य पुनर्नियोजनाची सुविधा देण्याचे आश्वासन दिले आहे. प्रवाशांना त्यांच्या गंतव्यस्थानापर्यंत लवकरात लवकर पोहोचवण्यासाठी पर्यायी व्यवस्था केली जात आहे, असंही एअर इंडियाने सांगितलं आहे.
