हिंदुस्थान आणि पाकिस्तानमधील सुरू असलेल्या तणावादरम्यान, रेल्वेने एक मोठी घोषणा केली आहे. सध्याची परिस्थिती पाहता, भारतीय रेल्वेने जम्मू आणि उधमपूर ते दिल्ली तीन विशेष गाड्या चालवण्याची योजना आखली आहे. भारतीय रेल्वेच्या म्हणण्यानुसार, प्रवाशांच्या सोयी आणि मागणी लक्षात घेऊन हे पाऊल उचलण्यात आले आहे. वास्तविक, सध्याची परिस्थिती पाहता, रेल्वेने जम्मू आणि उधमपूर ते दिल्लीसाठी तीन विशेष गाड्या जाहीर केल्या आहेत. अधिकाऱ्यांनी सांगितले की, या गाड्या प्रवाशांना सुरक्षित आणि सोयीस्कर प्रवास प्रदान करण्याच्या उद्देशाने आहेत.
सध्या, या गाड्यांचे वेळापत्रक आणि बुकिंगची माहिती लवकरच रेल्वेच्या अधिकृत वेबसाइटवर उपलब्ध होईल. या संदर्भात आणखी काही अपडेट्स येऊ शकतात असे सांगितले जात आहे. 8 आणि 9 मे च्या रात्री, पाकिस्तानी सैन्याने पश्चिम सीमेवर ड्रोन आणि इतर शस्त्रांनी अनेक हल्ले केले. यासोबतच, जम्मू आणि काश्मीरमध्ये नियंत्रण रेषेवर (LoC) सतत शस्त्रसंधीचे उल्लंघन (CFVs) देखील करण्यात आले. या हल्ल्यांचा उद्देश भारताच्या सीमांमध्ये घुसखोरी करणे आणि अस्थिरता पसरवणे हा होता. पण हिंदुस्थानने या हल्ल्याला चोख प्रत्युत्तर दिले आहे.
