के पूर्व विभागातील मुख्य जलवाहिन्या जोडणी व दुरुस्तीचे काम तांत्रिक कारणामुळे रद्द करण्यात आले आहे. त्यामुळे 22 मे रोजी के पूर्व, के पश्चिम व पी दक्षिण विभागातील पाणीपुरवठा दैनंदिन वेळापत्रकाप्रमाणे सुरळीत सुरू राहील, अशी माहिती पालिकेच्या वतीने देण्यात आली आहे. या दुरुस्तीच्या कामासाठी 22 मे रोजी पाणीपुरवठा बंद करण्यात येईल असे पालिकेने आधी म्हटले होते.
पालिकेतर्फे के पूर्व विभागात अंधेरी (पूर्व) येथील ‘बी. डी. सावंत मार्ग व कार्डिनल ग्रेसिअस मार्ग जंक्शन ते कार्डिनल ग्रेसिअस मार्ग व सहार मार्ग जंक्शन येथे प्रत्येकी 1500 मिलीमीटर व्यासाची जलवाहिनी आणि नवीन 1200 मिलीमीटर व्यासाची जलवाहिनी (पार्ले आऊटलेट) या दोन मुख्य जलवाहिन्या जोडण्याचे व जुनी नादुरुस्त 1200 मिलीमीटर व्यासाची जलवाहिनी काढून टाकण्याचे काम बुधवार, 22 मे रोजी सकाळी 9 वाजेपासून गुरुवार, 23 मे रोजी मध्यरात्री 1 वाजेपर्यंत हाती घेण्यात येणार होते, परंतु काही तांत्रिक कारणांमुळे हे काम रद्द करण्यात आले आहे.
