
शाळेतून घरी जाणाऱ्या चिमुकल्याचा अपघाती मृत्यू झाल्याची घटना अंजूरफाटा परिसरात घडली. श्रीनिवास कदम असे या चिमुकल्याचे नाव असून तो श्री हालारी विशा ओसवाल इंग्रजी शाळेत इयत्ता चौथीत शिकत होता.
कामतघर येथील चंदनबाग परिसरात राहणारा श्रीनिवास हा गुरुवारी सायंकाळी ५ वाजता शाळा सुटल्यानंतर घरी जाण्यासाठी मुख्य गेटमधून बाहेर पडला. यावेळी भरधाव दुचाकीने त्याला जोरदार धडक दिली. या अपघातात त्याला गंभीर दुखापत झाली. त्याला नजीकच्या रुग्णालयात दाखल केले होते. मात्र उपचारादरम्यान त्याचा मृत्यू झाला. याप्रकरणी नारपोली पोलिसांनी अल्पवयीन दुचाकीचालक व त्याच्या वडिलांविरोधात गुन्हा दाखल केला आहे.























































