भाजपचे उत्तर प्रदेशमधील खासदार कौशल किशोर यांचा मुलगा आयुष किशोर याच्यावर मंगळवारी गोळीबार करण्यात आला. या हल्ल्यात आयुष जखमी झाला असून त्याच्यावर रुग्णालयात उपचार सुरू आहेत. मात्र या हल्ल्याच्या तपासादरम्यान पोलिसांनी एक धक्कादायक शक्यता वर्तवली आहे. आयुषने स्वत:च त्याच्यावरील हल्ल्याचा कट रचल्याचा पोलिसांना संशय आहे.
Lucknow: Son of MP Kaushal Kishore was shot in his chest
“Ayush, son of MP has received a gun shot injury and was brought to the hospital for treatment. His condition is stable now. Case will be registered. Investigation underway,” says police pic.twitter.com/jQQEP4V1ho
— ANI UP (@ANINewsUP) March 3, 2021
कौशल किशोर हे मोहनलालगंज मतदारसंघाचे खासदार आहेत. मंगळवारी रात्री अडीचच्या सुमारास किशोर यांच्या मुलाने गेल्या वर्षी प्रेमविवाह केला होता. किशोर हे त्याच्या प्रेमविवाहाच्या विरोधात होते. त्यामुळे आयुष पत्नीसोबत वेगळा राहायचा. त्याच्या पत्नीच्या भावानेच त्याच्यावर हल्ला केल्याचा पोलिसांना संशय असून हा हल्ला आयुषच्याच सांगण्यावरून झाल्यचे बोलले जात आहे.
मंगळवारी आयुष रात्री उशीरा घरी परतत असताना बाईक वरून आलेल्या हल्लेखोरांनी त्याच्यावर गोळीबार केला. या गोळीबारात एक गोळी त्याच्या खांद्याला लागली तर दुसरी पोटात घुसली. दरम्यान या प्रकरणाचा तपास करत असताना पोलिसांनी आयुष याच्य़ा मेव्हण्याला ताब्यात घेतले आहे. मेव्हण्यानेच आयुषवर गोळीबार केल्याचा पोलिसांना संशय आहे. त्यामुळे सध्या त्याची चौकशी सुरू आहे.
