घटस्थापनेपासून राज्यातील सर्व धार्मिक व प्रार्थना स्थळे उघडण्याचा निर्णय झाला आहे. आज सकाळी मुख्यमंत्री उद्धव ठाकरे यांनी पत्नी रश्मी ठाकरे, पर्यावरण मंत्री आदित्य ठाकरे यांच्यासमवेत मुंबादेवी येथे दर्शन घेतले.
मुख्यमंत्री उद्धव ठाकरे यांनी सपत्नीक घेतले मुंबादेवीचे दर्शन#cmuddhavthackeray pic.twitter.com/9Ji6gM5K9a
— Saamana (@SaamanaOnline) October 7, 2021
यावेळी महापौर किशोरी पेडणेकर देखील उपस्थित होत्या. कोरोनाचे सावट कायमचे जाऊ दे, अशी प्रार्थना मुंबादेवीच्या चरणी मुख्यमंत्री उद्धव ठाकरे यांनी केली. तसेच धार्मिक स्थळांवर आरोग्याच्या नियमांचे काटेकोर पालन करण्याची जबाबदारी सर्वानी पार पाडली पाहिजे असेही ते यावेळी म्हणाले.
सर्वच धार्मिक स्थळांवर विश्वस्त व पुजारी यांनी कोरोना संसर्गाचा धोका लक्षात ठेवून शिस्तबद्धरित्या भक्त आणि नागरिकांच्या दर्शनाची व्यवस्था केली. तसेच परिसराची वरचेवर स्वच्छता करणे, सुरक्षित अंतर ठेवणे, जंतूनाशकांचा वापर करणे असे केले तर एक चांगले उदाहरण आपण घालून देऊ शकतो असे सांगून मुख्यमंत्र्यांनी सिद्धिविनायक तसेच इतरही काही प्रमुख मंदिरांमध्ये क्यूआर कोड व तंत्रज्ञान वापरून दर्शन व्यवस्था केल्याबद्धल कौतूक केले.
