पूर्व लडाखमधील लडाख गलवान खोऱ्यात हिंदुस्थान-चीनच्या सैनिकांमधील संघर्षानंतर आपले किती सैनिक मारले गेले याची माहिती चीनकडून लपवली जात आहे. सैनिक मारले गेले इतकीच कबुली देण्यात आली आहे. मात्र आतापर्यंत ठार झालेल्या सैनिकांची संख्या सांगण्यात आलेली नाही. मात्र गलवानमध्ये ठार झालेल्या चिनी सैनिकांच्या थडग्यांची छायाचित्रे चीनच्या सोशल मीडियावर व्हायरल होत आहेत.
A picture is circulating on Weibo, showing the tombstone of a 19 year old Chinese soldier who died in the “China-India Border Defense Struggle” in June 2020. He was from Fujian Province. https://t.co/Brrw5o7h4z
— M. Taylor Fravel (@fravel) August 28, 2020
हिंदुस्थानी सैनिकांकडून त्याच क्षणी मिळालेल्या जबरदस्त उत्तरामुळे चीनचे नाक कापले जाईल या भीती पोटी ठार झालेल्या चीनी सैनिकांच्या कुटुंबीयांवर देखील दबाव आणण्यात आल्याचे बोलले जात आहे. तसेच त्यांच्यावर सार्वजनिकरित्या अंत्यसंस्कार न करण्याकरता दबाव आणला गेला, अशा बातम्या चीनमधून सतत समोर येत आहे. तसेच, आता चीनीसंदर्भात एका तज्ञाने असा दावा केला आहे, की इंटरनेटवर काही चित्र शेअर केली जात आहेत, ज्यामध्ये गलवानमध्ये मारल्या गेलेल्या चिनी सैनिकाची थडगी दिसत आहेत. या संघर्षात हिंदुस्थानचे 20 जवान शहीद झाले होते आणि हिंदुस्थानने हे स्पष्टपणे सांगितले होते. चीनने मात्र संख्या लपवून ठेवली होती. मात्र अमेरिकी माध्यमांनी असा दावा केला आहे की या संघर्षात चीनच्या 40 हून अधिक सैनिकांचा मृत्यूही झाला आहे.
