एखादी व्यक्ती आपल्याला देवासमान वाटते पण त्याचा खरा चेहरा मात्र वेगळाच असतो. चांगुलपणाचा बुरखा पांघरून घात करणाऱ्या अशा वृत्तीविषयी भाष्य करणारी मालिका देवमाणूस. एक बोगस डॉक्टर जो गावातल्या भाबड्या लोकांना आपल्या बोलघेवड्या स्वभावाने भूरळ पाडतो. अल्पवधीतच गावात ‘देवमाणूस’ म्हणून त्याची ख्याती पसरते. या देवमाणसाच्या बुरख्याआड लपला आहे एक असा चेहेरा ज्याची कोणी कल्पनाही केली नव्हती. यात मध्यवर्ती भूमिकेत ‘किरण गायकवाड’ याने आपल्या अभिनयाने सर्वांची मने जिकली आहेत.
आता ही मालिका एका निर्णायक टप्प्यावर आली आहे, आता जसं डिम्पल आणि अजित ह्यांच्या लग्नाची उत्सुकता आहे, तसंच या लग्नात दिव्या खोडा घालणार की सरू आज्जी राडा करणार? डॉ. अजित कुमार देव उर्फ देवी सिंग सोबत डिम्पलला सुद्धा अटक होणार का? ह्या आणि अश्या अनेक प्रश्नांच्या उत्तराची उत्सुकता प्रेक्षकांना लागलीय.
2 तासांचा विशेष भागात ही रंजक मर्डर मिस्ट्री प्रेक्षकांना अनुभवता येणार आहे. आजवर अजितने केलेल्या सर्व गुन्ह्यांची कबुली तो डिम्पलकडे देणार आहे. त्यानंतर डिम्पल त्याला स्वीकारणार का? की याच टप्प्यावर मालिका वेगळं वळण घेणार? अशी उत्सुकता आता लागून राहिली आहे.
