निवडणूक आयोगाने मुंबई आणि कोकण विभागात शिक्षक, पदवीधर मतदार संघांची निवडणूक जाहीर केली आहे. तसेच याबाबतचा निवडणूक कार्यक्रम जाहीर केला आहे. या विभागात शिक्षक आणि पदवीधर मतदारसंघासाठी 10 जून रोजी मतदान होणार आहे.
या निवडणुकीसाठी 15 मे रोजी अधिसूचना जारी होणार आहे. तसेच 22 मेपर्यंत उमेदवारी अर्ज दाखल करता येणार आहेत. 24 मे रोजी अर्जांची छाननी होणार आहे. तर 27 मेपर्यंत उमेदवारी अर्ज मागे घेण्याची मुदत असेल. 10 जून रोजी सकाळी 8 ते दुपारी 4 वेळेत मतदान होणार आहे. 13 जूनरोजी मतमोजणी होणार आहे. तसेच 18 जूनपर्यंत ही प्रक्रिया पूर्ण करण्यात येणार आहे.
