फसवणूक आणि लाचखोरी प्रकरणात उद्योजक गौतम अदानी आणि त्यांचा पुतण्या सागर अदानी यांच्या विरोधात अमेरिकेत 265 मिलियन डॉलर लाचखोरीचा गुन्हा दाखल आहे. या प्रकरणात अदानीच्या वतीने अमेरिकेचे राष्ट्राध्यक्ष डोनाल्ड ट्रम्प यांचे खासगी वकील रॉबर्ट जे. गियुफ्रा ज्युनियर हे न्यायालयात युक्तीवाद करणार आहेत. दरम्यान अदानी हे त्यांच्या सुटकेसाठी अमेरिकेत तब्बल १० अब्ज डॉलरची गुंतवणूक करणार असल्याचा प्रस्ताव देणार असल्याचे देखील समजते.
वकील रॉबर्ट जे. गियुफ्रा ज्युनियर यांनी नुकतीच या प्रकरणात एक बैठक घेतली. या बैठकीत त्यांनी 100 स्लाईडचे एक प्रेझेंटेशन सादर केले. या प्रेझेंटेशनमध्ये गौतम अदानींवरील आरोप कोर्टाने रद्द केले तर त्या बदल्यात अदानी अमेरिकेत 10 अब्ज डॉलरची गुंतवणूक करतील. त्यामुळे तब्बल 15 हजार नोकऱ्या तयार होतील असा प्रस्ताव देण्यात येणार आहे.
ही ट्रेड डिल नाही तर अदानीच्या सुटकेचा सौदा
लोकसभेतील विरोधी पक्षनेते राहुल गांधी यांनी यावरून केंद्र सरकारवर जोरदार टीका केली आहे. ”, ‘कॉम्प्रोमाइझ्ड’ पंतप्रधानांनी अमेरिकेसोबत ट्रेड डिल केली नाही तर त्यांनी अदानीच्या सुटकेचा सौदा केला असे म्हणत राहुल गांधींनी मोदींवर निशाणा साधला.
