गुगलच्या एका माजी कर्मचाऱ्याने एक्स या सोशल साईटवर धक्कादायक दावा केला आहे. या कर्मचाऱ्याने एक्सवर आपल्या गोऱ्या रंगामुळे प्रमोशन दिले गेले नाही असा धक्कादायक खुलासा केला आहे. त्याच्यामुळे एकच खळबळ उडाली आहे.
न्यूयॉर्क पोस्टनुसार, शॉन मॅग्वायरने असे त्या व्यक्तीचे नाव असून 2016 ते 2019 या दरम्यान गुगलने कॅलिफोर्निया येथील माऊंटेन व्यूच्या मुख्यालयात काम केले. या माजी कर्मचाऱ्याने अलीकडेच पोस्टच्या माध्यमातून दावा केला आहे.
मॅग्वायरे यांनी 16 डिसेंबर 2023 रोजी एक्स या सोशल मीडियावर एका पोलच्या माध्यमातून अल्फाबेट इंक कंपनीसंबंधित त्यांचे आरोप सार्वजनिक करण्यासाठी भाग पाडले. पोलमध्ये त्यांनी विचारले होते मला त्यावेळीच कहाणी सार्वजनिक करायला हवी ज्यावेळी मला ते बोलले होते. मी रंगानेगोरा असल्यामुळे मला प्रमोशन दिले जाऊ शकत नाही? त्यावेळी 91 टक्के लोकांनी हा सांगितले होते.
पोलनंतर एक्स प्लॅटफॉर्मचे सर्वेसर्वा एलन मस्क यांनी प्रतिक्रिया दिली, अलिकडच्या वर्षांत हे आश्चर्यकारकपणे व्यापक झाले आहे.” एक महिन्याहून अधिक काळानंतर त्यांनी शुक्रवारी याबाबत खुलासा केला की, जे सोशल मीडियावर व्हायरल झाले . या पोस्टला एक्सवर10.3 मिलीअनहून अधिक वेळा पाहिले गेले आहे.कंपनीला “संपूर्ण डंपस्टर आग” असे संबोधून, त्यांनी असेही सांगितले की, गुगल आरोप नाकारत आहे. मात्र या प्रकरणातील माझी बाजू जाणून घेण्यासाठी कंपनीतील कोणीही माझ्याशी संपर्क साधला नाही,” असे त्याने पोस्टमध्ये म्हटले आहे.
मॅग्वायरने सांगितले की, त्यांना कोणतीच नुकसान भरपाई नको आहे. गुगलकडून हिच अपेक्षा आहे की, जर तुम्ही एआयमध्ये नेतृत्व करणार असाल तर या समस्या आधी दुरुस्त करा. शिवाय, त्याने एका गुगल एक्झिक्युटिव्हचा हवाला देत सांगितले की, मी तुम्हाला हे सांगू नये. यामुळे मला काढून टाकले जाऊ शकते. परंतु तुम्ही येथील सर्वोच्च कामगारांपैकी एक आहात, परंतु मी तुम्हाला आत्ताच सांगणार नाही.” माझ्याकडे कोटा असल्यामुळे मी तुम्हाला प्रमोट करु शकत नाही. माझे हात बांधलेले आहेत. तुम्हाला पुढील स्लॉट मिळेल. कृपया धीर धरा. मला खरोखर माफ करा. – गूगल
या पोस्टवर एलन मस्क यांनी प्रतिक्रिया दिली आहे., ते म्हणाले, मी हा प्रकार अनेकदा ऐकला आहे. मॅग्वायरने हेही सांगितले की, जवळपास पाच माजी गुगल कर्मचाऱ्यांनी हेच सांगितले. शिवाय पुरावा म्हणून स्क्रिनशॉटही शेअर केले आहेत. त्यांनी मस्क यांना उत्तर देताना सांगितले की, आपल्याला अशाप्रकारची वर्तणुकीवर वाचा फोडणे गरजेचे आहे. पुढे ते म्हणाले की, तुमच्या माहितीसाठी सांगतो की, हा फक्त टीझर आहे, याचे पुरावे भयंकर आहेत.
