अहमदाबादमध्ये विमान अपघातात मृत पावलेल्यांची ओळख पटवण्याचे काम अद्याप सुरू आहे. डीएनए टेस्टमधून आतापर्यंत 31 जणांची ओळख पटवण्यात आली आहे. त्यापैकी 12 मृतदेह हे नातेवाईकांकडे सुपुर्द करण्यात आले आहेत. दुसरीकडे गुजरातचे माजी मुख्यमंत्री विजय रुपाणी यांची अद्याप ओळख पटलेली नाही. अहमदाबादच्या सिव्हिल हॉस्पिटलने सांगितले की डीएनएच्या माध्यमातून विजय रुपाणी यांची ओळख पटवण्याचे प्रयत्न सुरू आहेत, पण यात अद्याप यश मिळालेले नाही. दुसरीकडे या अपघातात जखमी झालेल्या 13 जणांवर उपचार सुरू आहेत.
माजी मुख्यमंत्री विजय रुपाणी यांच्या मृतदेहाची ओळख पटवण्याचे कार्य अजूनही सुरू आहे अशी माहिती डॉ. रजनीश पटेल यांनी दिली आहे. एकूण मृतांपकैकी 31 जणांची ओळख पटली असून 12 मृतदेह त्यांच्या नातेवाईकांकडे सुपुर्द करण्यात आले आहेत.
