मुंबईत आज मुसळधार पाऊस पडू शकतो असा अंदाज हवामान विभागाने व्यक्त केला आहे. मुंबईसह ठाणे, रायगड आणि पालघर जिल्ह्यातली पाऊस पडेल अशी शक्यता हवामान विभागाने वर्तवली आहे.
मुंबईत आज विजांच्या कडकडाटासह मुसळधार पावसाची शक्यता आहे. त्यामुळे हवामान विभागाने मुंबईला यलो अलर्ट जारी केला आहे. आज सकाळी मुंबईत पावसाने हजेरी लावली, पण कुठेही पाणी भरल्याचे वृत्त नाही. दुसरीकडे ठाणे, रायगड आणि पालघर जिल्ह्यातली पावसाची शक्यता आहे. या जिल्ह्यांना हवामान विभागाने ऑरेंज अलर्ट जारी केला आहे.
