मेष ( ARIES – Wednesday, November 10, 2021)
उधारी देऊ नका, खासकरून त्यांना ज्यांनी आधीच तुमचे पैसे थकवलेले आहेत. प्रेमात पडलेल्यांना आज कडूगोड असे दोन्ही अनुभव येण्याची शक्यता आहे. घाईघाईने कामे उरकू नका. तुमची वस्तू गहाळ होण्याची किंवा चोरीला जाण्याची शक्यता आहे. जोडीदारामुळे तुमचा आजचा दिवस विशेष ठरेल
भाग्यांक – 6
भाग्य रंग – गुलाबी
उपाय – गणपतीचे दर्शन घेऊन त्याच्या चरणी करिअरमधील अडथळे दूर व्हावे यासाठी मनोभावे प्रार्थना करा, व्यावसायिक वर्गातील मंडळींनीही हाच उपाय करत गणेशा चरणी अडथळे दूर करण्याची प्रार्थना केल्यास त्यांना अविश्वसनीय वृद्धी पाहाता येईल
वृषभ – (TAURUS – Wednesday, November 10, 2021)
चिडचिड्या स्वभावामुळे घरात अशांतता निर्माण होईल. बँकेसंदर्भातील व्यवहार काळजीपूर्वक करा. आईवडिलांच्या तब्येतीच्या समस्या उद्भवू शकतात. वरिष्ठांना गृहित धरू नका. दिवस सर्वसाधारण प्रकारचा असेल. विचाराने आणि विनयाने वागल्यास दिवस आनंदी जाईल.
भाग्यांक – 5
भाग्य रंग – हिरवा
सर्वांसाठी उपाय – घरातील अडगळ काढून टाका, घर स्वच्छ, सुंदर आणि प्रसन्न ठेवा
मिथुन – ( GEMINI Wednesday, November 10, 2021)
आर्थिक गणिताकडे नीट लक्ष द्या. मुलांच्या प्रगतीमुळे सुखावाल. जोडीदारासोबत फिरायला जाण्याचा रेंगाळलेला प्लॅन प्रत्यक्षात येणार आहे. कार्यालयामध्ये महिला सहकाऱ्यांच्या पाठिंब्यामुळे तुमचे काम वेगाने पूर्ण होईल. अबोल्यामुळे प्रेमात आलेले संकट दूर होण्याती शक्यता आहे.
भाग्यांक – 3
भाग्य रंग – केशरी
उपाय – काळे-पांढरे तीळ आणि सात प्रकारची धान्य कोणत्याही देवळात दान करा
कर्क – (CANCER Wednesday, November 10, 2021)
दिवस अडचणींचा असणार आहे. मानसिकरित्या खंबीर राहा, त्यानेच अडचणींवर मात करता येईल. रागावर ताबा ठेवा. अचानक उधारी मागणारे दारासमोर येऊन उभे ठाकतील. घरातील वडीलधाऱ्या व्यक्ती किंवा वरिष्ठांशी बोलताना महत्वाचा सल्ला मिळू शकतो. ध्यान किंवा योगा करायला सुरुवात केल्यास त्याचे दीर्घकाळासाठी फायदे होतील.
भाग्यांक – 7
भाग्य रंग – बदामी
उपाय – अभक्ष्य (मांस, मच्छी, अंडी, दारू, अंमली पदार्थ) भक्षण करू नका
सिंह – ( LEO Wednesday, November 10, 2021)
रक्तदाब, कोलेस्ट्रॉल यांचा त्रास असणाऱ्यांनी विशेष काळजी घ्यावी. जमिनीचे प्रलंबित व्यवहार होतील, त्यातून चांगला नफा होईल. इतरांवर तुमच्या गोष्टी लादण्याचा प्रयत्न करू नका, त्यातून कलह निर्माण होऊ शकतील आणि नाती तुटू शकतील. इतरांच्या कामात लु़डबूड करू नका त्याऐवजी हा वेळ लोकांची मदत करण्यात घालवा.
भाग्यांक – 5
भाग्य रंग – आकाशी
उपाय – सुर्याच्या द्वादश नावांचे (12 नावे) स्मरण, वाचन करून कामाच्या ठिकाणी प्रवेश करावा
कन्या (VIRGO Wednesday, November 10, 2021)
आनंदी स्वभावाचे असल्याने जीवनातील आनंद पुरेपूर लुटण्याकडे तुमचा कल आहे. तुमच्यासोबत ओळख करून घेण्यासाठी लोकं उत्सुक असतील. बाहेर फिरायला जाण्याचा योग आहे, मात्र यात तुमचा पैसा खर्च होईल. कामाच्या ठिकाणी सहकाऱ्यांचे उत्तम सहकार्य मिळेल. हाताखालील कर्मचारीही तुमचे म्हणणे ऐकतील.
भाग्यांक – 3
भाग्य रंग – पिवळा
उपाय – भगवान गणेशाला लाल फूल अर्पण करावे
तूळ ( LIBRA Wednesday, November 10, 2021)
शारीरीक श्रमामुळे अंगदुखी, कणकण याचा त्रास होईल. बराच वर्षांपासून बाकी असलेली येणी अचानक मिळतील. व्यावसायिकांना अचानक बाहेरगावी जावे लागू शकते. कामाच्या व्यस्ततेतून बाहेरगावी जाण्याचे नियजन करणे डोकेदुखीचे काम बनेल. नोकरदार वर्गासाठी आजचा दिवस सामान्य पद्धतीचा असेल. कौटुंबिक वातावरण हे आल्हाददायक आणि आनंदी असेल
भाग्यांक – 6
भाग्य रंग – गुलाबी
उपाय – देवीच्या मंदिरात जाऊन देवीला लाल वस्त्र अर्पण करावे
वृश्चिक ( SCORPIO Wednesday, November 10, 2021)
स्वत:कडे लक्ष द्यायला वेळ मिळेल. ब्युटी पार्लर, मसाज किंवा आरोग्य राखण्यासाठी, सुंदर दिसण्यासाठी आवश्यक त्या बाबी तुम्हाला करता येतील. अर्थार्जनाच्या बाबतीत आजचा दिवस हा सर्वसाधारण असेल. मित्रांसोबत आणि घरच्यांसोबत वेळ घालवता येईल.
भाग्यांक – 7
भाग्य रंग – पांढरा
उपाय :- चटईचा उपयोग झोपण्यासाठी केल्याने आर्थिक स्थिती चांगली राहील.
धनू ( SAGITTARIUS Wednesday, November 10, 2021)
बोलताना जपून बोला, तुमचा एक चुकीचा शब्द शत्रुत्व निर्माण करू शकतो. आर्थिक गर्तेत सापडलेल्यांना काहीसा दिलासा मिळू शकतो. जुन्या मित्र-मैत्रिणीचा किंवा नातेवाईकांचा अचानक अनेक वर्षांनी संपर्क होऊ शकतो, ज्यामुळे आजचा दिवस आनंदात जाईल.
भाग्यांक – 4
भाग्य रंग – तपकिरी
उपाय – तांदूळ दान करा
मकर ( CAPRICORN Wednesday, November 10, 2021)
मानसिक तणाव हा दीर्घकाळासाठी त्रासदायक ठरेल. मानसिक ताणावर मात करण्यासाठी पुस्तक वाचणे, गाणी ऐकणे अशा मार्गांचा अवलंब करा. कुटुंबासोबत मनोरंजनाचे कार्यक्रम बघता येतील. तुमची प्रतिभा आणि क्षमता अधिक लोकांना कळेल, ज्यामुळे भविष्यातील संधींचे दार खुले होईल. स्वत:साठी मिळालेला वेळ आवडीनिवडी पूर्ण करण्यात घालवाल
भाग्यांक – 4
भाग्य रंग –राखाडी
उपाय – हनुमानाच्या मंदिरात काळे चणे/ काबुली चणे, काळे वस्त्र आणि तिळाचे तेल दान करा
कुंभ राशी भविष्य (AQUARIUS Wednesday, November 10, 2021)
एखाद्या गोष्टीबाबत तुम्ही खूप विचार करता, अतिविचार हा धोकादायक ठरतो आणि तो प्रगतीत मोठा अडसर बनतो. पैसा राखून ठेवण्याची आणि योग्य पद्धतीने वापरण्याची तुमच्याकडे हातोटी आहे. आज दिवस हा तुमच्यासाठी उत्तम आहे.
भाग्यांक – 2
भाग्य रंग – चंदेरी आणि पांढरा
उपाय – वडाच्या झाडाला छोटी वाटीभर दूध अर्पण करा
मीन (PISCES Wednesday, November 10, 2021)
कामात गढून जाल, कामाचा अतिताण जाणवेल. तुमचे कष्ट वरिष्ठांच्या नजरेत येतील आणि त्याबद्दल तुमचे कौतुकही होईल. नवा व्यवहार, नवीन योजना मनात आकारास येतील.आपल्यातील कमतरता काय आहेत हे कळतील, मात्र त्यावर मात करायचा मार्ग लवकर सापडणार नाही.
भाग्यांक – 9
भाग्य रंग –लाल आणि मरून
उपाय – आंघोळीच्या पाण्यात चिमूटभर मीठ घालून त्या पाण्याने आंघोळ करावी
