दहावी-बारावीचा निकाल मे महिन्यातच लागणार असून निकालाच्या तारखा राज्य माध्यमिक व उच्च माध्यमिक शिक्षण मंडळाच्या अधिकृत वेबसाईटवर जाहीर होणार आहेत. राज्य शिक्षण मंडळाने तसे पत्रकच जाहीर केले असून विद्यार्थी-पालकांनी निकालाच्या तारखांसंबंधी सोशल मीडिया अथवा अन्य माध्यमातून फिरणाऱया अफवांवर विश्वास ठेवू नये, असे आवाहन राज्य शिक्षण मंडळाने केले आहे.
गेल्या काही दिवसांपासून विविध माध्यमे, व्हॉट्सअॅप समूहावर दहावी-बारावीच्या निकालाच्या तारखा व्हायरल होत आहे. मात्र विद्यार्थी, पालकांनी या अफवांवर विश्वास ठेवू नये. निकालाची खरी तारीख शिक्षण मंडळाच्या https://mahahsscboard.in या वेबसाईटवर लवकरच जाहीर केली जाईल, असे राज्य शिक्षण मंडळाने स्पष्ट केले आहे.
