आपल्यापैकी अनेकांना प्रवासात उलटी होण्याची दाट शक्यता असते. काहीजणांना गाडीतून केवळ बाहेर जाणार असे म्हणूनच उलटी होते. गाडीतून जाताना उलटी होऊ नये म्हणून अगदी साधे सोपे घरगुती उपाय नक्की करून बघा. प्रवासादरम्यान उलट्या होण्याच्या समस्येमुळे बरेच लोक कोठेही जात नाहीत. गेले तरी त्यांच्या प्रवासाच्या आठवणी देखील उलट्या झाल्यामुळे खूप वाईट असतात.
प्रवासादरम्यान तुम्हाला चक्कर येणे, उलट्या होणे आणि मळमळ होण्यास त्रास होत असेल तर पुदीनाची मदत घ्या. मिंट सिरप किंवा पुदीन्याचे पान आपल्याबरोबर ठेवा आणि प्रवास करण्यापूर्वी ते तोंडात ठेवावे. आपल्याला आता मिंटची टॅब्लेटही उपलब्ध आहे.
प्रवास करताना मळमळ आणि उलट्या झाल्यास आपण लिंबाचा रस पाण्यात पिळून त्यात मीठ टाकून सेवन करू शकता. प्रवासात जाण्यापूर्वी आपल्याबरोबर लिंबू, मीठ आणि पाणी घेऊन जाण्यास विसरू नका.
सध्या सैंधव मीठाचा ट्रेंड वाढत चाललाय, खरंच हे मीठ आपल्या आरोग्यासाठी उत्तम आहे का? वाचा
आपण जिथे जात असाल तिथे लिंबूवर्गीय फळे किंवा त्यांचा रस आपल्याबरोबर ठेवा. आपल्याला उलट्या, चक्कर येणे आणि मळमळ होण्याची समस्या येते तेव्हा आपण ते सेवन केले पाहिजे. आपल्याला यासह खूप आरामदायक देखील वाटेल.
प्रवासादरम्यान आले आपल्याला मदत करेल. यासाठी आले सोलून घ्या आणि त्याचे तुकडे करा आणि नेहमीच आपल्याकडे ठेवा. प्रवास करताना जेव्हा आपल्याला उलट्या, चक्कर येणे आणि मळमळ होण्याची समस्या येते तेव्हा आल्याच्या तुकड्यांना तोंडात ठेवा आणि चोखा. प्रवासाच्या सुरुवातीपासून आपण
