डोक्यात खाज येण्याची अनेक कारणे असू शकतात जसे की कोंडा, टाळूचा कोरडेपणा, उवा, बुरशीजन्य संसर्ग, सोरायसिस इ. टाळूवर सतत खाज सुटणे हे कोणासाठीही अस्वस्थतेचे कारण ठरू शकते आणि डोके सतत खाजवणे खूप लाजिरवाणे असू शकते. विशेषत: जेव्हा तुम्ही बाहेर असता किंवा काही महत्त्वाचे काम करत असाल तेव्हा खाज तुम्हाला कशावरही लक्ष केंद्रित करू देत नाही. या समस्येपासून मुक्त होण्यासाठी तुम्हाला काही उपचार करणे आवश्यक आहे. टाळूवरील खाज सुटण्यासाठी तुम्ही काही घरगुती उपाय वापरू शकता. टी ट्री ऑइलमध्ये अँटी-फंगल गुणधर्म असतात, ज्यामुळे कोंडा दूर होण्यास मदत होते. टी ट्रीचे तेल रोज वापरल्याने खाज येण्याच्या समस्येपासून सुटका मिळते. यासाठी तुमच्या शॅम्पूमध्ये टी ट्री ऑइलचे काही थेंब घाला आणि आठवड्यातून दोनदा केस धुवा. यामुळे कोंडा आणि खाज येण्याची समस्या कमी होण्यास मदत होते.
2) कडुलिंबाची पाने
कडुलिंबाची पाने टाळूवरील बुरशीजन्य संसर्गापासून मुक्त होण्यास मदत करतात. टाळूची खाज सुटण्यासाठी काही कडुलिंबाची पाने पाण्यात उकळवा. नंतर थंड होऊ द्या. आता या पाण्याने केस धुवा. तसेच कडुलिंबाच्या तेलाने टाळूची मालिश करू शकता.
3) हळद
हळद सोरायसिसच्या समस्येपासून मुक्त होण्यास मदत करते. हळदीमध्ये असलेले कर्क्यूमिन एक दाहक-विरोधी एंजाइम आहे जे खाज कमी करण्यास मदत करते. या उपचारासाठी हळद आणि पाणी मिसळून पेस्ट तयार करा आणि टाळूवर लावा. कोरडे झाल्यानंतर आपले डोके धुवा.
5) बेकिंग सोडा
टाळूच्या खाज सुटण्यापासून आराम मिळवण्यासाठी 2-3 चमचे बेकिंग सोडा आणि पाणी मिसळा. त्याची जाडसर पेस्ट बनवा. ही पेस्ट टाळूवर लावा आणि मसाज करा. 15 मिनिटे राहू द्या. यानंतर केस शॅम्पूने धुवा.
6) ऑलिव्ह ऑइल
कोमट ऑलिव्ह ऑइलने टाळूवर मसाज केल्याने खाज येण्याची समस्या कमी होऊ शकते. हे टाळूच्या त्वचेला मॉइश्चरायझ करते आणि मऊ बनवते. ऑलिव्ह ऑईल हलके गरम करून टाळूवर मसाज करा. काही तास तसेच राहू द्या आणि नंतर शॅम्पूने धुवा
