-
कोणत्याही ग्रेव्हीचा बेस हा कांदा असतो. कांदा लवकर आणि चांगला भाजला जावा यासाठी तो परतताना त्यात चिमूटभर मीठ आणि अगदी थोडी साखर घाला. साखरेमुळे कांद्याचे ‘कॅरामलायझेशन’ वेगाने होते आणि ग्रेव्हीला हॉटेलसारखा अप्रतिम रंग व हलकासा गोडवा मिळतो.
-
कांदा उभा किंवा बारीक चिरून घ्यावा. मोठे तुकडे उशिरा भाजतात, तर बारीक केलेले तुकडे लवकर शिजतात. सुरुवातीला मध्यम आचेवर तेल गरम करून कांदा परतावा. नंतर आच कमी करून तो सोनेरी होईपर्यंत हलवत राहावा.
