लष्कर ए तोयबाचा मोहम्मद कासिम गुज्जर दहशतवादी घोषित

बातमी शेअर करा :
सामना फॉलो करा

केंद्रीय गृह मंत्रालयाने गुरुवारी लष्कर ए तोयबाचा म्होरक्या मोहम्मद कासिम गुज्जर याला दहशतवादी म्हणून घोषित केले आहे. सध्या तो पाकव्याप्त काश्मिरमध्ये राहतो. बेकायदेशीर क्रियाकलाप प्रतिबंध कायदा (यूएपीए) 1967 अंतर्गत त्याला दहशतवादी म्हणून घोषित केले गेले आहे. केंद्रिय गृह मंत्रालयाकडून एक पोस्ट शेअर करत याबाबत माहिती दिली आहे.  अनेक दहशतवादी हल्ल्यांचा मास्टरमाइंड मोहम्मद कासिम गुजर उर्फ ​​सलमान उर्फ ​​सुलेमान याला दहशतवादी घोषित केल्याचे सांगण्यात आले.

गृहमंत्रालयाकडून सांगण्यात आले आहे की, लष्कर-ए-तोयबाचा सदस्य मोहम्मद कासिम गुज्जर याने दहशतवादी हल्ल्यांमध्ये अनेक लोक मारले आहेत. त्याच्या हल्ल्यात अनेक जण जखमी झाले आहेत. हिंदुस्थानविरुद्ध युद्धाची योजना आखण्यात त्याचा सहभाग आहे. या पोस्टमध्ये गृह मंत्रालयाने म्हटले आहे की, देशाची एकता आणि अखंडतेच्या विरोधात कोणतीही व्यक्ती आढळल्यास त्याच्यावर निर्दयीपणे कारवाई केली जाईल.