मालेगाव बॉम्बस्फोट प्रकरणात भाजपच्या माजी खासदार प्रज्ञा सिंह ठाकूर यांच्यासह कर्नल प्रसाद पुरोहित व अन्य पाच आरोपींची विशेष सत्र न्यायालयाने ठोस पुराव्यांअभावी सुटका केली. मात्र या निर्णयाला हल्ल्यातील पीडितांनी आक्षेप घेत हायकोर्टात याचिका दाखल केली आहे. दोषपूर्ण तपास किंवा तपासातील काही त्रुटी आरोपींना निर्दोष सोडण्याचे कारण असू शकत नाहीत, असा दावा अपीलात करण्यात आला असून आरोपींच्या सुटकेचा निर्णय रद्द करण्याची मागणी याचिकेत करण्यात आली आहे.
