काँग्रेसचे नेते आणि प्रवक्ते अधीर रंजन चौधरी यांनी मुख्यमंत्री ममता बॅनर्जी यांच्यावर जोरदार निशाणा साधला असून, त्या पंतप्रधान नरेंद्र मोदी यांच्या सेवेत व्यस्त असल्याची टीका केली आहे.
चौधरी म्हणाले की बॅनर्जी यांना काँग्रेससोबत युती नको होती आणि लोकसभा निवडणुकीत सर्वात मोठा जुना पक्ष असलेली काँग्रेस स्वबळावर निवडणूक लढवू शकते.
‘आम्ही भिक मागितली नाही. ममता बॅनर्जींनी स्वतः सांगितले की त्यांना युती हवी आहे. आम्हाला ममता बॅनर्जींच्या दयेची गरज नाही. आम्ही स्वबळावर निवडणूक लढवू शकतो. ममता बॅनर्जींना प्रत्यक्षात युती नको आहे कारण त्या पंतप्रधान मोदींच्या सेवेत व्यस्त आहेत’, असं ते पत्रकारांना म्हणाले.
तृणमूल काँग्रेसबद्दल विचारले असता काँग्रेस नेत्यानं हे विधान केलं असून, सूत्रांनी दिलेल्या माहितीनुसार, आगामी लोकसभा निवडणुकीसाठी पश्चिम बंगालमध्ये काँग्रेसला दोन जागा देऊ केल्या आहेत.
इंडिया टुडे टीव्हीनं सूत्रांच्या हवाल्यानं वृत्त प्रसिद्ध केलं आहे की, ‘तृणमूलचा असा विश्वास आहे की राज्यातील प्रबळ पक्षाला जागावाटपाचा अंतिम निर्णय घेण्याची परवानगी दिली पाहिजे’.
दरम्यान, तृणमूलने काँग्रेसचे अध्यक्ष मल्लिकार्जुन खर्गे यांची INDIA आघाडीवर संयोजक म्हणून निवड करण्याचा पुनरुच्चार केला. तृणमूलचा असा विश्वास आहे की खरगे, जे दलित समाजाचे आहेत, ते एक चांगला पर्याय आहे कारण ते 58 जागांवर प्रभाव पाडू शकतात, असं सूत्रांनी सांगितलं.
डिसेंबरमध्ये दिल्लीत झालेल्या विरोधी पक्ष इंडिया ब्लॉकच्या बैठकीत 2024 च्या लोकसभा निवडणुकीसाठी जागा वाटपाची चर्चा लवकरात लवकर निश्चित करण्यात यावी, असा निर्णय घेण्यात आला.
