देशात लॉकडाऊनचा तिसरा टप्पा सुरू आहे. असंख्य मजूर आणि कामगारांची विविध राज्यांमधून आपल्या घरी परतण्यासाठी धडपड सुरू आहे. यामध्ये सध्या एक फोटो आणि व्हिडीओ व्हायरल झाला आहे. या फोटोमध्ये मजूर एका धान्याच्या ट्रकवर चढताना दिसत आहे. या ट्रकवर चढताना मजुरांच्या हातात चिमुकली बाळे आहेत ते त्यांना गाडीवर चढवत आहेत. तर महिला देखील ट्रकवर चढून जात आहेत. हा फोटो तेलंगणामधून झारखंड येथे आपल्या गावी निघालेल्या मजूर कुटुंबांचा आहे.
heart-breaking picture showing a man holding an infant in one hand as he clings on to a rope hanging on the vehicle with another in raipur @ndtvindia @ndtv #NursesDay #LockdownEnd #COVID19 pic.twitter.com/F4YhUWLyA0
— Anurag Dwary (@Anurag_Dwary) May 12, 2020
छत्तीसगडमधील एका ठिकाणी ट्रकवर चढतानाचा त्यांचा फोटो आणि व्हिडीओ व्हायरल झाला आहे. एक वृत्त वाहिनीच्या प्रतिनिधी सोबत बोलताना या मजुरांनी सांगितले की आमच्याकडे अन्य कोणताही पर्याय उपलब्ध नव्हता. हाताला काम नाही, जेवणाचे हाल होत होते, अशावेळी घरी जायचा एकच ध्यास लागला आहे. त्यामुळे मिळेल त्या साधनाने आम्ही एक एक टप्पा पार करत घर गाठत आहोत. जवळच वाहतूक विभागाचे कर्मचारी उभा होता. सरकारने मजुरांच्यासाठी गाड्या सोडल्या आहेत, मात्र त्या विशिष्ट ठिकाणाहून सुटतात. माझ्या स्तरावर मी गाड्या या भागात बोलवू शकत नाही, अशी असमर्थता त्यांनी व्यक्त केली.
कोरोनामुळे देशात ही अभूतपूर्व परिस्थिती उभी राहिली आहे. देशात अशा प्रकारे मोठ्याप्रमाणात मजूर, कामगार स्थलांतर करत आहेत.
