शिवाजी पार्क जिमखाना आयोजित, महाराष्ट्र कॅरम असोसिएशनच्या मान्यतेने सारस्वत बँक पुरस्कृत 17व्या शिवाजी पार्क जिमखाना राज्य मानांकन कॅरम स्पर्धेत मुंबईच्या मिताली पाठक आणि महम्मद घुफ्रान यांनी विजेतेपद पटकावले.
पुरुष एकेरी गटाच्या अंतिम फेरीत घुफ्रानने पुण्याच्या अभिजित त्रिपनकरवर 25-14, 25-0 असा सरळ विजय मिळवला. सुरुवातीपासून आक्रमक खेळ दाखवत त्याने सामन्यावर पूर्ण वर्चस्व राखले. महिला एकेरीच्या अंतिम लढतीत मिताली पाठकने मुंबईच्याच रिंकी पुमारीला 25-12, 21-9 असे पराभूत करत आपले श्रेष्ठत्व सिद्ध केले.
तिसऱ्या क्रमांकासाठीच्या सामन्यात पुरुष गटात ठाण्याच्या झैद अहमद फारुकीने पुण्याच्या सागर वाघमारेवर 25-0, 23-7 असा विजय मिळवला, तर महिला गटात ठाण्याच्या समृद्धी घाडीगावकरने चैताली सुवारेला 17-15, 25-11 असे हरवले.
स्पर्धेचा पुरस्कार वितरण सोहळा अतुल पुलकर्णी यांच्या हस्ते पार पडला. याप्रसंगी शिवाजी पार्क जिमखान्याच्या लता देसाई, प्रकाश नायक, महेंद्र ठापूर, दीपक विश्वासराव, विश्वास नेरुरकर, सरचिटणीस संजीव खानोलकर, सहचिटणीस सुनील रामचंद्रन, सचिव सनिल समेळ, विलास सोमण, अजय पाटणकर, आशुतोष जोगळेकर व महाराष्ट्र कॅरम असोसिएशनचे सचिव अरुण केदार, केतन चिखले व डॉ. अनिल नेरुरकर उपस्थित होते.
