घराबाहेर खेळणाऱ्या 6 वर्षीय मुलीचे अपहरण करून अत्याचार, नराधमाने चिमुरडीचे डोळे फोडले

बातमी शेअर करा :
सामना फॉलो करा

मध्यप्रदेशमधील दमोहमध्ये 6 वर्षीय चिमुकलीवर पाशवी अत्याचार झाल्याची धक्कादायक घटना घडली आहे. घराबाहेर खेळणाऱ्या चिमुरडीचे अपहरण करून तिच्यावर अत्याचार करण्यात आला. अत्याचारानंतर नराधम आरोपीने पीडितेचे हात-पात बांधून डोळे फोडले. तसेच तिला मारण्याचाही प्रयत्न केला. पीडिता मृत झाल्याचे समजून आरोपीने पळ काढला. परंतु सुदैवाने मुलीचा जीव वाचला असून, तिला गंभीर अवस्थेत जबलपूरच्या रुग्णालयात भरती करण्यात आले आहे.

या घटनेबाबत पोलिसांनी दिलेल्या माहितीनुसार, , जबेरामधील बंतीपूर गावात बुधवारी चिमुकली घराबाहेर खेळताना अचानाक बेपत्ता झाली. कुटुंबियांनी बराचवेळ तिला शोधल्यानंतर अखेर पोलिसात तक्रार केली. दुसऱ्या दिवशी सकाळी मुलगी घराजवळील शेतात बेशुद्ध अवस्थेत सापडली. तिचे हात-पात बांधले होते, डोळे फोडण्यात आले होते आणि तिच्या चेहऱ्यावर गंभीर जखमा होत्या. तिला रुग्णालयात दाखल करण्यात आले तेव्हा तिच्यावर अत्याचार झाल्याचे स्पष्ट झाले.

दरम्यान , या प्रकरणी राज्याचे मुख्यमंत्री शिवराज सिंह चौहान आरोपींना तात्काळ अटक करण्याचे आदेश दिले आहेत. तर, माजी मुख्यमंत्री कमलनाथ यांनी या प्रकरणावरुन एक महिन्यापूर्वीच सत्तेत आलेल्या सरकारवर निशाणा साधला आहे.