अभिनेता अल्लू अर्जूनला पोलसांनी अटक केली होती. त्यानंतर तेलंगणाचे मुख्यमंत्री रेवंथ रेड्डी यांनी प्रतिक्रिया दिली आहे. अल्लू अर्जून प्रकरणी कुठलाही हस्तक्षेप केला गेला नाही, कायदा आपलं काम करेल असे रेड्डी म्हणाले.
हैदराबादमध्ये पुष्पा – 2 चा प्रिमियर पार पडला. त्यावेळी अल्लू अर्जूनही उपस्थित होता. पण यावेळी प्रेक्षकांची एवढी गर्दी झाली होती की तिथे चेंगराचेंगरी झाली होती. या चेंगराचेंगरीत 39 वर्षीय महिलेचा मृत्यू झाला होता तर या महिलेचा अल्पवयीन मुलगा गंभीर जखमी झाला होता. या प्रकरणी पोलिसांनी अल्लू अर्जूनला अटक केली होती. यावर मुख्यमंत्री रेड्डी यांनी प्रतिक्रिया दिली की अल्लू अर्जून अटकेप्रकरणी सरकार कुठलाही हस्तक्षेप करणार नाही, कायदा आपलं काम करेल आणि संपूर्ण चौकशी होईल असे रेड्डी म्हणाले.
