ओडीशाच्या कंधंमाल जिल्ह्यात मुसळधार पावसामुळे झालेल्या भीषण भूस्खलनाने एकाच कुटुंबातील तीनजणांचा बळी घेतल्याची अत्यंत दुर्दैवी घटना घडली आहे. रायकिया ब्लॉकच्या डांगेसे गावात झालेल्या या दुर्घटनेत 9 महिन्यांच्या चिमुकल्या बाळासह त्याच्या आई-वडिलांचाही जागीच मृत्यू झाला आहे. या अचानक ओढवलेल्या संकटामुळे संपूर्ण गावात शोककळा पसरली आहे.
3 of a Family Killed in Landslide in Kandhamal., South Odisha.
A father, mother and their 9-month-old son were killed after a massive landslide triggered by heavy rainfall buried their house in Dangasi village under Raikia block, Kandhamal. Two others were rescued safely by Fire Services personnel. The Panchayati Raj Minister visited the affected area and announced ₹4 lakh ex-gratia compensation for each deceased. #CycloneArnab
— Piyali Mitra (@Plchakraborty) October 30, 2026
प्रसारमाध्यमांकडून मिळालेल्या माहितीनुसार, भूस्खलनाचा तडाखा बसून हे कुटुंब ढिगाऱ्याखाली गाडले गेले. घटनेची माहिती मिळताच अग्निशमन दलाचे पथक तातडीने घटनास्थळी दाखल झाले आणि त्यांनी युद्धपातळीवर बचावकार्य सुरू केले. जवानांनी ढिगाऱ्याखाली अडकलेल्या इतर दोन जणांना सुखरूप बाहेर काढले असून बाधित परिसरात सध्या मदत आणि बचावकार्य वेगाने सुरू आहे. या दुर्घटनेची गंभीर दखल घेत पंचायत राज मंत्री आणि कंधमाल जिल्ह्याचे प्रभारी रवी नारायण नायक यांनी रायकिया येथील भूस्खलनग्रस्त भागाला प्रत्यक्ष भेट दिली. या भीषण दुर्घटनेत प्राण गमावलेल्या तिन्ही दुर्दैवी व्यक्तींच्या कुटुंबीयांना शासनाकडून प्रत्येकी 4 लाख रुपयांची सानुग्रह मदत जाहीर करण्यात आली आहे.
