सामना ऑनलाईन, नवी दिल्ली
बीसीसीआयच्या ‘एक व्यक्ती एक पद’ या नियमाचा फटका सौरभ गांगुलीला बसला असतानाच आता भारतरत्न सचिन तेंडुलकर व शैलीदार फलंदाज व्हीव्हीएस लक्ष्मण हेही गोत्यात येण्याची शक्यता आहे. मध्य प्रदेश क्रिकेट असोसिएशनच्या एका सदस्याने सचिन तेंडुलकर व व्हीव्हीएस लक्ष्मणच्या विरोधात बीसीसीआय लोकपालकडे तक्रार केली आहे. ‘दोघेही बीसीसीआयच्या सल्लागार समितीत असून आयपीएलमधील संघांच्या प्रशिक्षण विभागात कार्यरतही आहेत’ अशा प्रकारचे वृत्त एका हिंदी वृत्तपत्राच्या वेबसाइटवर प्रसिद्ध करण्यात आले आहे.
