पाकिस्तानात सध्या प्रचंड इंधन टंचाई जाणवत असून देशाची पाकिस्तान इंटरनॅशनल एअरलाइन्स (पीआयए), ही राष्ट्रीय विमानवाहक कंपनी अडचणीत आली आहे. इंधनाच्या अनुपलब्धतेमुळे देशांतर्गत आणि आंतरराष्ट्रीय दोन्ही मार्गांसह त्यांनी तब्बल 48 उड्डाणं रद्द केली आहेत.
पीआयएच्या प्रवक्त्याने पाकिस्तानी न्यूज आउटलेट द डॉनला सांगितलं की दैनंदिन उड्डाणं आणि ऑपरेशनल समस्यांसाठी मर्यादित इंधन पुरवठा यामुळे उड्डाणे रद्द करण्यात आली. प्रवक्त्यानं सांगितलं की, काही फ्लाइट्सच्या प्रस्थानाचं वेळापत्रक बदलण्यात आलं आहे.
प्रवक्त्यानं पुढे सांगितलं की इंधनाच्या अनुपलब्धतेमुळे 13 देशांतर्गत उड्डाणं आणि 11 आंतरराष्ट्रीय मार्गावरील उड्डाणं रद्द करण्यात आली. इतर बारा उड्डाणं उशिरानं झाली.
पीआयएनं दिलेल्या माहितीनुसार, रद्द करण्यात आलेल्या फ्लाइटमधील प्रवाशांना पर्यायी फ्लाइटमध्ये हलवण्यात आले आहे. या निर्णयानंतर प्रवाशांनी विमानतळावर येण्यापूर्वी PIA कस्टमर केअर, PIA कार्यालये किंवा त्यांच्या ट्रॅव्हल एजंटशी संपर्क साधण्याचा सल्ला दिला आहे.
इंधनाचा तुटवडा का?
सरकारी मालकीच्या पाकिस्तान स्टेट ऑइल (PSO) ने थकबाकी न भरल्यानं पुरवठा थांबवल्यामुळे PIA विमानांसाठी इंधनाची कमतरता निर्माण झाली होती. आधीच उध्वस्त होण्याच्या उंबरठ्यावर असलेल्या आणि जमा झालेल्या कर्जांमुळे खाजगीकरणाकडे वाटचाल करणाऱ्या विमान कंपनीचे भवितव्य अनिश्चित आहे.
राष्ट्रीय विमान कंपनीच्या विनंतीनंतरही पाकिस्तान सरकारने ऑपरेशनल खर्चासाठी 23 अब्ज रुपये देण्यास नकार दिल्याने परिस्थिती आणखी चिघळली आहे.
PSO कडून इंधन भरण्यासाठी PIA ला दिवसाला रु. 100 दशलक्ष लागतात, परंतु नंतर केवळ आगाऊ रोख रक्कम देण्याची मागणी केल्यामुळे, एअरलाइन ही आवश्यकता पूर्ण करू शकत नाही, ज्यामुळे भविष्यात अधिक संभाव्य फ्लाइट रद्द होण्याची शक्यता आहे.
पाकिस्तानला राजकीय अस्थिरतेसह इतिहासातील सर्वात वाईट आर्थिक संकटाचा सामना करावा लागत असताना ही नवीन घटना समोर आली आहे. देशातील महागाई सध्या 21.3 टक्क्यांच्या विक्रमी उच्चांकावर आहे.
गेल्या वर्षभरात अमेरिकन डॉलरच्या तुलनेत पाकिस्तानी रुपयाचे मूल्य निम्म्यानं घसरलं आहे. देशाचा परकीय चलन साठा सुमारे 10 अब्ज डॉलरच्या अत्यंत खालच्या पातळीवर आहे.
