पाकिस्तानची आर्थिक परिस्थिती आणखीन बिकट होत चालली आहे. पाकिस्तानवरचा कर्जाचा डोंगर वाढत चालला असून नुकत्याच प्रसिद्ध झालेलल्या एका आर्थिक अहवालानुसार पाकिस्तानवरील सार्वजनिक कर्ज 76 हजार अब्ज पाकिस्तानी रुपये (76 ट्रिलियन) पर्यंत पोहोचले आहे. हा आतापर्यंतचा कर्जाचा सर्वात मोठा आकडा असल्याचे समोर आले आहे.
पाकिस्तान हा गेल्या चार वर्षात सर्वाधिक कर्जबाजारी झाला आहे. 2020 पासून पाकिस्तानचे कर्ज हे दुपटीने वाढले आहे. तर दहा वर्षात हा आकडा पाच पटीने वाढला आहे. 2020-21 मध्ये कर्जाचा आकडा हा 39 हजार अब्ज होता. आता तो आकडा 76 हजार अब्ज झाला आहे.
ऑपरेश सिंदूरच्या वेळी आंतरराष्ट्रीय नाणेनिधीने पाकिस्तानला एक अब्ज डॉलरचे कर्ज दिले. परंतु त्यानंतर ‘आयएमएफ’ने पाकिस्तानला जोरदार दणका देत 11 नव्या अटी लादल्या होत्या.
