पाकिस्तान सुपर लीगमध्ये शनिवारी मुल्तान सुल्तान्स आणि क्वेटा ग्लॅडिएटर्स संघात सामना खेळला गेला. रावळपिंडीच्या पिंडी क्रिकेट मैदानावर खेळल्या गेलेल्या या लढतीत धावांचा अक्षरश: पाऊस पडला. दोन्ही संघांनी मिळून तब्बल 515 धावांची लयलुट केली. टी-20 क्रिकेटमध्ये एकाच लढतीत सर्वाधिक धावांचा हा विश्वविक्रम आहे.
मुल्सान सुल्तान्सने प्रथम फलंदाजी करताना 20 षटकात 3 विकेट्स गमावून 262 धावा चोपल्या. याला क्वेटा ग्लॅडिएटर्सनेही जोरदार प्रत्युत्तर दिले. क्वेटाने 20 षटकात 8 विकेट्स गमावून 253 धावा कुटल्या. अवघ्या 9 धावांनी त्यांना पराभव स्वीकारावा लागला.
टी-20 क्रिकेटमध्ये एकाच लढतीत सर्वाधिक धावांचा विक्रमही झालाय. याआधी 2022मध्ये दक्षिण आफ्रिका टी-20 चॅलेंजमध्ये टायटन्स आणि नाईट्स या संघादरम्यान खेळल्या गेलेल्या लढतीत दोन्ही संघांनी मिळून 501 धावा केल्या होत्या. टायटन्सने 271 धावा केल्या होत्या, तर या धावांचा पाठलाग करताना नाईट्सनेही 230 धावांपर्यंत मजल मारली होती. मात्र टी-20 क्रिकेटमध्ये पहिल्यांदाच धावांचा पाठलाग करताना एखाद्या संघाने 250 धावांचा टप्पा पार केला. याआधी 2016मध्ये न्यूझीलंडचा स्थानिक संघ सेंट्रल डिस्ट्रिक्टने ओटागोविरुद्ध धावांचा पाठलाग करताना 248 धावा चोपल्या होत्या. हा विक्रमही आता मोडीत निघाला.
RAINING RECORDS
5⃣1⃣5⃣: This is the highest match aggregate in T20 cricket in the world. #HBLPSL8 I #SabSitarayHumaray | #QGvMS pic.twitter.com/xlzynehkGr
— PakistanSuperLeague (@thePSLt20) March 11, 2023
36 चेंडूत शतक
नाणेफेक जिंकून प्रथम फलंदाजीसाठी उतरलेल्या मुस्लानला दमदार सलामी मिळाली. मोहम्मद रिझवान आणि उस्मान खान यांनी सुरुवातीपासून चौकार, षटकारांचा पाऊस पाडला. दोघांनी 10 षटकात 157 धावांची भागिदारी केली. यादरम्यान उस्मान खान याने अवघ्या 36 चेंडूत शतक केले. पीएसएलच्या इतिहासातील हे सर्वात वेगवान शकत आहे. त्याने आपल्याच संघातील रिले रोसो याचा विक्र मोडला. रोसो याने दोन दिवसांपूर्वीच 41 चेंडूत शतक केले होते. हा विक्रम उस्मानने मोडला असून त्याने या लढतीत 43 चेंडूत 120 धावा केल्या. यात 12 चौकार आणि 9 उत्तुंग षटकारांचा समावेश आहे. रिझवाननेही 29 चेंडूत 55 धावा करत त्याला उत्तम साथ दिली.
उस्मान आणि रिझवा नयांच्या व्यतिरिक्त टीम डेव्हिडने नाबाद 43 आणि किरॉन पोलार्डने नाबाद 23 धावा करत संघाची धावसंख्या 262 पर्यंत पोहोचवली. पीएसएलच्या इतिहासात पहिल्यांदाच एखाद्या संघाने एवढ्या धावे केल्या. याआधी इस्लामाबाद यूनायटेडने 2021मध्ये क्वेटा ग्लॅडिएटर्सविरुद्ध 2 विकेट्सच्या मोबदल्यात 247 धावा केल्या होत्या.
100
His Skipper is happy, his team is happy, HE IS HAPPY! #HBLPSL8 | #SabSitarayHumaray | #QGvMS pic.twitter.com/QnY94Gv62w
— PakistanSuperLeague (@thePSLt20) March 11, 2023
आफ्रिदीची हॅटट्रीक
क्वेटा ग्लॅडिएटर्सनेही मुल्तानच्या गोलंदाजांचा चांगलाच समाचार घेतला. ओमेर युसूफ आणि इफ्तिकार अहमद यांनी तुफानी खेळी केलीय. युसूफने 67, तर अहमदने 53 धावा केल्या. मात्र हे दोघे संघाला विजय मिळवून देऊ शकले नाहीत. मुल्तानकडून अब्बास आफ्रिदीने 47 धावा देऊन 5 विकेट्स गेतल्या. या दरम्यान त्याने हॅटट्रीकचीही नोंद केली. या लढतीत दोन्ही संघांनी मिळून तब्बल 33 षटकार ठोकले.
