योगगुरू बाबा रामदेव यांच्या पतंजली कंपनीचे तूप अन्न सुरक्षा मानके व दर्जाच्या चाचणीत नापास झाले आहे. तपासणीचे निष्कर्ष आल्यानंतर पतंजलीसह तीन उद्योजकांना 1 लाख 40 हजार रुपयांचा दंड ठोठावण्यात आला आहे. उत्तराखंडच्या पिथोरागड येथील अन्न सुरक्षा आणि औषध प्रशासनाचे सहाय्यक आयुक्त आरके शर्मा यांनी ही माहिती दिली. पतंजलीच्या तुपाचे नमुने 2020 मध्ये गोळा करण्यात आले होते. त्यांची राज्य व राष्ट्रीय पातळीवरील प्रयोगशाळांमध्ये चाचणी करण्यात आली. त्यात ते नापास ठरले. हे तूप खाण्यालायक नसून ते खाल्ल्यास दुष्परिणाम होऊ शकतात, असे अन्न व औषध प्रशासनाने स्पष्ट केले.
