पंतप्रधान नरेंद्र मोदी सोमवारी कारगिलमध्ये जवानांसोबत दिवाळी साजरी करण्यासाठी पोहोचले आहेत. पंतप्रधान कार्यालयाने (PMO) सांगितले की, ‘पंतप्रधान मोदी कारगिलला पोहोचले आहेत, ते देशातील जवानांसोबत दिवाळी साजरी करतील.’
पंतप्रधान मोदींनीही देशातील नागरिकांना दिवाळीच्या शुभेच्छा दिल्या आणि ट्विट केले, ‘तुम्हा सर्वांना दिवाळीच्या खूप खूप शुभेच्छा. प्रकाशाचा हा सण प्रत्येकाच्या आयुष्यात आनंद आणि चांगले आरोग्य घेऊन येवो.’
Prime Minister Shri @narendramodi has landed in Kargil, where he will celebrate Diwali with our brave soldiers. pic.twitter.com/RQxanDEgDK
— PMO India (@PMOIndia) October 24, 2022
याआधी, पंतप्रधान नरेंद्र मोदी रविवारी अयोध्येतील भव्य ‘दीपोत्सव’ कार्यक्रमात सहभागी झाले होते. शरयूच्या काठावर लाखो दिव्यांच्या मनमोहक प्रकाशाचे ते साक्षीदार झाले आणि प्रभू रामाच्या राजवटीची मूल्ये, त्यांच्या सरकारचे ‘उद्दिष्ट’ असल्याचे त्यांनी सांगितले.
दरवर्षीप्रमाणे यंदाही अयोध्येत दीपोत्सव उत्साहात साजरा करण्यात आला. उत्तर प्रदेशचे मुख्यमंत्री योगी आदित्यनाथ, राज्यपाल आनंदीबेन पटेल यांच्यासह शेकडो लोकांच्या उपस्थितीत कार्यक्रम पार पडला.
14 वर्षांच्या वनवासानंतर ‘पुष्पक विमान’द्वारे प्रभू राम, सीता आणि लक्ष्मण अयोध्येत परतल्याचा देखावा राम कथा पार्कमध्ये चित्रित करण्यात आला होता.
