शेअर ट्रेडिंगच्या नावाखाली 1 कोटी 5 लाखांच्या फसवणूक प्रकरणी एकाला उत्तर प्रादेशिक सायबर पोलिसांनी अटक केली. श्रीशेष व्यंकटराव जाधव असे त्याचे नाव आहे.
गोरेगाव येथे तक्रारदार राहतात. ते एका व्हॉट्सअप ग्रुपवर जोडले गेले. तेथे त्यांना शेअर ट्रेडिंगची माहिती मिळाली. गुंतवणुकीबाबत विचारणा केली असता त्यांना एक लिंक पाठवून एक अॅप्स डाऊनलोड करण्यास सांगितले. त्यावर विश्वास ठेऊन आयपीओमध्ये गुंतवणूक केल्यास भरघोस फायदा होईल अशा त्यांना भूलथापा मारल्या. त्याने एक कोटी रुपयाची गुंतवणूक केली. आयपीओमध्ये 84 लाखांचा फायदा झाला असल्याचे भासवत सरकारी कर म्हणून आणखी एक कोटी रुपये द्यावे लागतील असे सांगितले. हा प्रकार संशयास्पद वाटल्याने त्याने याची माहिती त्याच्या पत्नीला दिली.
