पुरंदरच्या प्रस्तावित विमानतळाच्या ड्रोन सर्व्हेला विरोध करणाऱ्या गावकऱ्यांवर पोलिसांनी लाठीमार केला आहे. यात काही आंदोलक जखमी झाले असून यावेळी झालेल्या धक्काबुक्कीत एका महिलेचा मृत्यू झाल्याचा आरोपही आंदोलकांनी केला आहे.
पुरंदरच्या प्रस्तावित विमानतळाच्या ड्रोन सर्व्हेला विरोध करणाऱ्या गावकऱ्यांवर पोलिसांनी लाठीमार केला आहे. यात काही आंदोलक जखमी झाले असून यावेळी झालेल्या धक्काबुक्कीत एका महिलेचा मृत्यू झाल्याचा आरोपही आंदोलकांनी केला आहे. pic.twitter.com/vepBasHYoV
— Saamana Online (@SaamanaOnline) May 3, 2025
सुप्रिया सुळे यांची प्रतिक्रीया –
बारामती लोकसभा मतदार संघातील पुरंदर तालुक्यातील कुंभारवळण येथे झालेला प्रकार अतिशय दुर्दैवी आहे. शासनाने नागरीकांच्या भावना समजावून घेऊन योग्य ती पावले उचलणे आवश्यक होते. परंतु तेथे बळाचा वापर करण्यात आला ही बाब निश्चितच अतिशय दुःखद आहे. या घटनेत येथील नागरीक जखमी झाले ही बाब अतिशय वेदनादायी आणि अस्वस्थ करणारी आहे. शासनाने जनतेच्या भावना लक्षात घेऊन संयम व संवेदनशीलता दाखविणे आवश्यक होते. आम्ही सर्वजण या घटनेचा निषेध करतो. शासनाला आवाहन आहे की कृपया आपण हा विषय संवेदनशीलतेने हाताळावा, असे सुप्रिया सुळे यांनी ट्विट केले आहे.
