रणवीर शौरी आणि मनोज जोशी अभिनीत आगामी ‘गोध्रा: अपघात की षड्यंत्र’ या चित्रपटाच्या निर्मात्यांनी शुक्रवारी चित्रपटाचा पहिला टीझर लाँच केला आहे. अभिनेता रणवीर शौरीने X वर टीझर पोस्ट केला आहे.
आपल्या पोस्टमध्ये ‘#GodhraTeaser हे सर्व तुमचे आहे! हा अपघात किंवा षड्यंत्र असेल तर आम्हाला कमेंट बॉक्समध्ये सांगा’, असं आवाहान करण्यात आलं आहे. #GodhraTeaser Out Now #Godhra, 1 मार्च 2024 रोजी सिनेमागृहात प्रदर्शित होत आहे.
टीझरची सुरुवात साबरमती एक्स्प्रेस या पेटलेल्या ट्रेनच्या अंगावर काटा आणण्याऱ्या, मन विषण्ण करणाऱ्या चित्रानं होते. 22 वर्षांपूर्वी घडलेल्या भयंकर घटनेची ती झलक दाखवते. गुजरातच्या भाळी ही घटना कायमची कोरली गेली आहे.
#GodhraTeaser is all yours! Do tell us in comments if it was an Accident or a Conspiracy. #GodhraTeaser Out Now #Godhra, releasing in cinemas on 1st March 2024.
Director-@mkshivaaksh
producer- @thebjpurohit Associate Producer-@akshita25th
Banner- @omtrinetrafilms
Starring…— Ranvir Shorey (@RanvirShorey) February 2, 2024
दिग्दर्शक एमके शिवाक्ष यांनी चित्रपटाच्या संदर्भात आणि त्याच्यामागील उद्देशावर प्रकाश टाकला. ते म्हणाले की, ‘गोध्रा घटनेला गोध्रा ते गुजरात दंगलीच्या परिणामापर्यंत अनेक कांगोरे असून ते उलगडणे आवश्यक आहे. टीझरमध्ये उपस्थित केलेले प्रश्न गहन आहेत, यामागील सत्य काय आहे.
गोध्रा घटनेच्या चौकशीसाठी स्थापन करण्यात आलेल्या नानावटी मेहता आयोगाच्या निष्कर्षांवर हा चित्रपट तयार करण्यात आला आहे. ट्रेन जाळणे हा अपघात होता की तणाव वाढवून पूर्वनियोजित कृत्य होते हे शोधून सत्य समोर आणणे हा चित्रपटाचा उद्देश असल्याचं सांगण्यात आलं आहे.
ओम त्रिनेत्र फिल्म्स निर्मित यात रणवीर शौरी, मनोज जोशी, हितू कनोडिया, देनिशा घुमरा, गणेश यादव, मकरंद शुक्ला आणि राजीव सुर्ती यांच्या भूमिका आहेत.
‘गोध्रा: अपघात किंवा षड्यंत्र’ या वर्षी 1 मार्च रोजी मोठ्या पडद्यावर प्रदर्शित होणार आहे.
