सामना ऑनलाईन । नवी दिल्ली
लोकसभा निवडणुकीच्या पार्श्वभूमीवर राष्ट्रीय लोकशाही आघाडीला पराभूत करण्यासाठी 56 पक्ष एकत्र आले. मात्र ऐन निवडणुकीच्या तोंडावर त्यांच्यात फाटाफूट झाली. उत्तरेकडील राज्यांमध्ये बहुजन समाजवादी पक्ष आणि समाजवादी पक्षाची आघाडी काँग्रेससाठी डोकेदुखी ठरू शकते. असे असले तरी सर्व विरोधकांचे मोदींना पराभूत करणे हे एकच ध्येय असून योग्य वेळी सर्व मोदीविरोधक एकत्र येतील असे भाकीत काँग्रेसचे नेते सॅम पित्रोदा यांनी वर्तवले आहे. तर काँग्रेस अध्यक्ष राहुल गांधींनी मात्र या विषयावर बोलण्यास टाळले आहे.
Sam Pitroda,Congress on if there are contradictions in Opposition: No, don’t think there anything to worry ,they will all come together at the right time , I can assure you. All are clear on the common goal ,they all want democracy, they all want inclusion ,they all want peace. pic.twitter.com/8e9wIp4tfX
— ANI (@ANI) May 4, 2019
लोकसभा निवडणुकीच्या प्रचाराचा धुराळा उडालेला आहे. काँग्रेस आणि भाजपकडून एकमेकांवर आरोप-प्रत्यारोपसुरू आहेत. मात्र उत्तर प्रदेश, बिहार, मध्यप्रदेश, दिल्ली या ठिकाणी सपा, बसपा आणि आपकडून काँग्रेसला लक्ष्य केले जात आहे. या पार्श्वभूमीवर पित्रोदा यांनी एएनआय या वृत्तसंस्थेला दिलेल्या मुलाखतीत आपले मत व्यक्त केले आहे. “सर्व विरोधकांचे ध्येय एकच आहे, सर्वांना लोकशाही आणि शांतता हवी आहे. त्यामुळे योग्यवेळी सर्व विरोधक एकत्र येतील” असा विश्वास त्यांनी व्यक्त केला आहे.
