सौदी अरेबियामध्ये एका प्राध्यापकाला फाशीची शिक्षा सुनावण्यात आली आहे. हा प्राध्यापक त्याच्या ट्विटर खात्यावरून आणि व्हॉट्सअ‍ॅपचा वापर करून शत्रूला बातम्या शेअर करत होता. या गुन्ह्यासाठी त्याला शिक्षा सुनावण्यात आली आहे. नवीन क्राउन प्रिन्स मोहम्मद बिन सलमान यांच्या नेतृत्वाखालील सौदी सरकारने 2017 मध्ये 65 वर्षीय प्राध्यापक अवद अल-कर्नी यांना अटक केली होती.
द गार्डियनच्या वृत्तानुसार, अल-कर्नीचे सौदी येथील मीडियामध्ये एक धोकादायक उपदेशक म्हणून वर्णन करण्यात आले आहे. प्राध्यापक अल-कर्नी हे सोशल मीडियावरील एक महत्त्वाचे आणि सुप्रसिद्ध विचारवंत होते, त्यांचे ट्विटरवर दोन दशलक्ष फॉलोअर्स होते. अल कर्नी यांच्यावरील आरोपांचा खुलासा त्यांचा मुलगा नासेर याने केला आहे जो सौदी अरेबियातून ब्रिटनमध्ये आश्रय घेत होता.
