वैष्णवी हगवणे मृत्यू प्रकरणातील आरोपी राजेंद्र हगवणे याच्या मुळशी तालुक्यातील भुकूम गावातील घरावर शेण टाकून शिवसेना पिंपरी-चिंचवड महिला आघाडीच्या रणरागिणींनी आज निषेध आंदोलन केले. हगवणे कुटुंबाविरोधात घोषणाबाजी करीत परिसर दणाणून सोडला. महिला आघाडीच्या शहर संघटिका रूपाली आल्हाट यांच्या नेतृत्वाखाली हे आंदोलन करण्यात आले. या आंदोलनामध्ये शहर उपसंघटिका ज्योती भालके, पिंपरी विधानसभा समन्वयक सुषमा शेलार, विभागप्रमुख साधना काशिद, नंदा दातकर, करुणा भुजबळ, वंदना वाल्हेकर, तस्लीम शेख, आरती साठे, दीपक भक्त, अनिता तळेकर उपस्थित होते.
