देवगड तालुक्याने ओडीएफ प्लस बाबतचे सर्व निकष पुर्ण केले असुन देवगड तालुक्यातील 97 गावंही ओडीएफ प्लस दर्जा प्राप्त केल्याची माहिती गटविकास अधिकारी देवगड वृक्षाली यादव यांनी दिली .
देवगड तालुका 2015 मध्ये सिंधुदूर्गातील पहिला हागणदारीमुक्त तालुका होण्याचा मान देवगड तालुक्याला प्राप्त झाला होता . यामध्ये सातत्य राखत देवगड तालुक्यातील 97 गावही हागणदारी मुक्त होण्याचा मान मिळाला असुन अशी कामगिरी करणारा देवगड तालुका सिंधुदूर्गातील तिसरा तालुका ठरला आहे. या अगोदर हा दर्जा कुडाळ व वेगुर्ले तालुक्याने प्राप्त केलेला आहे .
हागणदारी मुक्त अधिक गाव संकल्पनेत गावातील कुंटूबाकडे वैयक्तिक शौचालये, सांडपाणी घनकचरा व्यवस्थापन अंतर्गत निकष पुर्ण केलेले आहेत . यावेळी हागणदारी मुक्त अधिक तालुका करण्यासाठी जिल्हा परिषद सिंधुदूर्गचे मुख्यकार्यकारी अधिकारी प्रजित नायर , जिल्हा पाणी व स्वच्छता विभागाचे उपमुख्यकार्यकारी अधिकारी .विनायक ठाकुर यांचे मार्गदर्शन तसेच पंचायत समिती देवगड अधिकारी , कर्मचारी तसेच गावपातळीवर सरपंच , ग्रामविकास अधिकारी , ग्रामसेवक , ग्रामपंचायतीची संपुर्ण टीम , लोकप्रतिनिधी व ग्रामस्थ या सर्वानी सांघिक प्रयत्न केल्यामुळेच हा तालुका हागणदारीमुक्त अधिक झाला असुन आता हा दर्जा टिकवुन ठेवण्यासाठी गावागावात पाणी व स्वच्छतेबाबत नाविन्यपुर्ण उपक्रम राबविण्याचे ध्येय असल्याचे मत गटविकास अधिकारी वृक्षाली यादव यांनी स्पष्ट केले .
