आपलं स्वयंपाकघर हे अनेक रोगांवरील रामबाण उपायांचं भांडार आहे. म्हणूनच आपले गरम मसाले हे अनेक रोगांवर औषध म्हणून वापरले जातात. फार पूर्वीपासून आपल्या स्वयंपाक घरातील गरम मसाले हे खूप उपयुक्त म्हणून कामी येतात. परंतु अपुऱ्या माहितीअभावी मात्र आपण त्यांचा उपयोग करत नाही. पूर्वीच्या काळी गरम मसाल्यांचा उपयोग हा औषधांसाठीही केला जायचा. परंतु सध्याच्या घडीला मात्र माहीत नसल्यामुळे, आपल्याला कोणत्या मसाल्यांचा वापर कशापद्धतीने करता येऊ शकतो हे मात्र आपल्या गावीही नसते.
आपल्या गरम मसाल्यातील वेलची ही केवळ मुखशुद्धीसाठी उपयुक्त नाही तर, इतर अनेक आजारांवरही रामबाण इलाज आहे.
चहामध्ये वापरण्यासोबतच वेलचीचा वापर अनेक भाज्यांमध्ये केला जातो, पण तुम्ही विचार केला आहे का की छोटी वेलची तुम्हाला अनेक आजारांपासून दूर ठेवते.
रक्तदाब संतुलित ठेवण्यासाठी हृदयविकाराचा धोका कमी करण्यासाठी देखील वेलची खूप फायदेशीर आहे.
वेलचीमध्ये कार्बोहायड्रेट्स, आहारातील फायबर, कॅल्शियम, पोटॅशियम, मॅग्नेशियम, लोह आणि फॉस्फरस सारखी खनिजे असतात.
चयापचय गतिमान करण्यासाठी वेलचीचे सेवन खूप फायदेशीर मानले जाते.
रोगप्रतिकार शक्ती मजबूत करण्यासाठी, आपण आपल्या आहारात वेलचीचा समावेश गरजेचा आहे.
वेलची खाल्ल्याने हृदयविकाराचा धोका कमी होतो. म्हणजेच यामुळे शरीरातील कोलेस्ट्रॉल नियंत्रणात राहते.
ज्या लोकांना वेळेवर झोप येत नाही किंवा झोप कमी होण्याची समस्या आहे त्यांनी वेलचीचे सेवन जरूर करावे.
(कोणतेही उपाय करताना तज्ज्ञांचा सल्ला अवश्य घ्यावा.)
