मुंबई पुणे बोरघाटातील झेनीथ धबधब्याच्या 3 किमी अंतरावर असणाऱ्या केपी फॉल्स या धबधब्यावर मुंबई गोरेगाव येथील 3 अल्पवयीन मुले रिल्स बनविण्यासाठी आली होती. मात्र परत मागे फिरण्याचा रस्ता माहित नसल्याने जंगलात भरकटली. त्यांत अंधार पडल्याने वाट चुकले. भरकटलेल्या अल्पवयीन मुलांची खबर खोपोली पोलिसांना मिळाल्याने सामाजिक कार्यकर्ते विजय भोसले व त्यांचे साथीदार व पोलीस घटनास्थळी दाखल झाले. त्यांनी अंधारात अल्पवयीन मुलांचा शोध घेऊन दत्त मंदिर येथे आणले. या मुलांना खोपोली पोलीस स्टेशनमध्ये आणण्यात आले.
रोशन विश्वकर्मा रामस्वरूप (14), मन्नत केवट (14), व अभिनव वेणुगोपाल (16) अशी आहेत. या अल्पवयीन मुलांचे पालक येईपर्यंत खोपोली पोलीस स्टेशन येथे देखरेखी खाली ठेवण्यात आले आहे.
