कोरोनाचा प्रसार रोखण्यासाठी 25 मार्च रोजी देशात लॉकडाऊन जाहीर करण्यात आला. यामध्ये कडक निर्बंध घालण्यात आल्यानंतर तंबाखू विक्रीवर देखील बंदी होती. यामुळे तंबाखूचे व्यसन असणाऱ्या व्यक्ती हैराण परेशान झाल्या होत्या. जवळपास 2 महिने ही दुकानं बंद होती. त्यानंतर आता चौथ्या लॉकडाऊनमध्ये निर्बंध शिथील करण्यात आल्याने तंबाखू विक्री सुरू झाली असून गुजरातच्या सूरतमध्ये दुकानांसमोर रांगा लागल्या आहेत.
A buyer, Dinesh says, "My father and I could not get tobacco as shops were closed due to the coronavirus lockdown. After the shops reopened, I felt alive again. I am standing in the queue since an hour to buy tobacco". (20.05.2020) pic.twitter.com/hs4hI1GKFD
— ANI (@ANI) May 20, 2020
‘पहिल्या तीन लॉकडाऊनमधील कडक नियमांमुळे मला आणि माझ्या वडिलांना तंबाखू मिळाली नाही. लॉकडाऊन 4 मध्ये दुकानं उघडणार आणि तंबाखू मिळणार या विचाराने मला जिवंत झाल्यासारखं वाटतं आहे. दुकान सुरू होण्यापूर्वीच मी बाजारात पोहोचलो असून तासाभरापासून तंबाखूसाठी रांगेत उभा आहे’, अशी प्रतिक्रिया दिनेश यांनी दिली.
Gujarat: Shops reopened in Surat after release of guidelines for #Lockdown4.Nilesh,a tobacco shop owner says,"I think buyers faced more problems while shop was shut. I received so many calls that I had to switch off my phone. Few people found out address&came to my home". (20.05) pic.twitter.com/p3yWzdM4Cq
— ANI (@ANI) May 20, 2020
सूरतमधील तंबाखू विक्रेते नीलेश यांनी बुधवारपासून दुकान सुरू केले. त्यांनी दुकान उघडण्याच्या आधीपासून लोकांनी रांगा लावल्या होत्या. दोन महिने दुकानं बंद असल्याने ग्राहकांची अडचण वाढली होती. तंबाखूची मागणी करणारे अनेक कॉल मला येत होते, अखेर फोन बंद करून ठेवण्याची वेळ माझ्यावर आली होती. काही लोकांनी माझ्या घरचा पत्ता शोधून घरी येण्यास सुरुवात केली होती, असे ते म्हणाले.
दारू विक्रीस परवानगी मिळाल्यानंतर जसे चित्र देशाच्या विविध राज्यांमध्ये पाहायला मिळाले होते तसेच चित्र येथे पाहायला मिळत आहे.
