
ट्रॉम्बे चिता कॅम्प येथील दोन मजली घराच्या बाल्कनीचा भाग कोसळून चार वर्षीय मुलाचा मृत्यू झाल्याची घटना आज घडली. प्रणव माने असे या मृत्यू झालेल्या मुलाचे नाव आहे. शनिवारी सायंकाळी 7 वाजण्याच्या सुमारास ही घटना घडली. या दुर्घटनेत दोन जण जखमी झाले आहेत.
ट्रॉम्बे चिता पॅम्प, दत्ता नगर झोपडपट्टीतील घराच्या बाल्कनीचा भाग शनिवारी सायंकाळी 7 वाजण्याच्या सुमारास कोसळला. या दुर्घटनेत प्रणव माने (4) याचा मृत्यू झाला तर प्रिन्स कोलजी ( 8) व जाफर मदनलाल (45) हे दोघे जखमी झाले. जखमींना शताब्दी रुग्णालयात उपचारासाठी दाखल करण्यात आले आहे. या दोघांची प्रकृती स्थिर असल्याचे डॉ. आंधळे यांनी सांगितले.





























































