खासगी क्षेत्रातील महत्त्वाची बँक असलेली येस बँक जपानी बँकेला विकण्याचा घाट केंद्र सरकारने घातला असल्याचा आरोप बँकिंग तज्ञ व काँग्रेस नेते विश्वास उटगी यांनी केला आहे. जपानमधील सुमितोमो मित्सुई बॅँकिंग कॉर्पोरेशनने (एसएमबीसी) हिंदुस्थानातील खासगी क्षेत्रातील येस बँकेत 13 हजार कोटी रुपयांची गुंतवणूक करून 20 टक्के हिस्सा विकत घेतला आहे. पुढच्या टप्प्यात आणखी 30 हजार कोटींची अतिरिक्त गुंतवणूक करून 51 टक्के हिस्सेदारीसह येस बँकेवर संपूर्ण ताबा मिळवण्याची त्यांची योजना आहे. या संपूर्ण व्यवहाराची न्यायालयीन चौकशी करावी, अशी मागणी काँग्रेस नेते व बॅँकिंग तज्ञ विश्वास उटगी यांनी केली आहे.
