ओव्हरटेक करण्याच्या प्रयत्नात बसने कंटेनरला ठोकरले असून, यात 16 प्रवासी गंभीर जखमी झाले आहेत. बिदर-पंढरपूर या बसला अपघात झाला असून, जखमी प्रवाशांना शासकीय व खासगी रुग्णालयात दाखल करण्यात आले आहे.
कर्नाटकातील एस.टी. बस बिदरहून पंढरपूरकडे निघाली होती. सोलापूर हैदराबाद रोडवरील बोरामणी गावाजवळ एस.टी. बसने कंटेनरला ओव्हरटेक करण्याच्या प्रयत्नात ठोकरले. हा अपघात इतका भीषण होता की, एस.टी. चालकाकडील एक बाजू कापली आहे. यात बसमधील 16 प्रवासी गंभीर जखमी झाले.
