तामिळनाडूतील थिरूपाथूर येथे दोन बसची समोरासमोर धडक होऊन झालेल्या अपघातात सात प्रवाशांचा मृत्यू झाला आहे. या अपघातात 40 जण जखमी झाले आहेत.
थिरुपाथूर येथे एका वळणावर या दोन्ही बस समोरासमोर एकमेकांवर आदळल्या. त्यानंतर या दोन्ही बसमधील जखमींना तत्काळ रुग्णालयात दाखल करण्यात आले. जखमींपैकी सात जणांचा उपचारादरम्यान मृत्यू झाला. तर 40 जणांवर अद्याप उपचार सुरू आहेत. त्यातील तिघांची प्रकृती गंभीर असल्याचे समजते.
