नगर जिल्ह्यातील शिर्डीतील साई मंदिराचं वैशिष्ट्य असं की, इथली दान पेटी रिकामी राहिली असा एकही दिवस नाही. येणारा प्रत्येक भाविक आपल्या परिस्थितीनुसार येथील दानपेटीत श्रद्धने दान करतो.
भाविकांचे श्रद्धास्थान असलेले हे मंदिर देशातील तिसर श्रीमंत मंदिर मानले जाते. मात्र या दानपेटीतील दानाचे काय केले जाते याची उत्सुकता लागली असेल तर पुढल्या स्लाईड नक्की बघा.
वर्ष 2017-18 मध्ये साई मंदिर ट्रस्टकडून धार्मिक कार्यासाठी (चॅरिटी) 96 कोटी 89 लाख रुपये खर्च केले गेले. यामध्ये ट्रस्टचे दोन हॉस्पिटल - 'श्री साईबाबा सुपर स्पेशिएलिटी हॉस्पिटल' आणि 'श्री साईनाथ हॉस्पिटल' यांचा समावेश येतो. इथे रुग्णांवर उपचार करण्यात येतात.
साई मंदिर ट्रस्टकडून नगर पंचायतीला साफ-सफाईसाठी, रस्त्यांच्या देखभालीसाठी आणि पाणी उपलब्ध करून देण्यासाठी विशिष्ट रक्कम दिली जाते.
या शिवाय ट्रस्टकडून असंख्य भाविकांना साईभंडाऱ्यात अन्नदान करण्यात येते.
तसेच ट्रस्टकडून शाळा-महाविद्यालयातील विद्यार्थ्यांनां शिक्षण दिले जाते. ट्रस्टकडून इंग्रजी माध्यमाच्या शाळा देखील चालवल्या जातात, जिथे जूनियर केजी पासून दहावीपर्यंत विद्यार्थी शिक्षण घेतात.
