‘बिग बॉस मराठी’च्या तिसऱया सिजनची चाहते आतुरतेने वाट पाहतायत. अखेर चाहत्यांची ही प्रतीक्षा लवकरच संपणार आहे. ‘बिग बॉस’ या शोचे सूत्रसंचालक महेश मांजरेकर यांनी आज सोशल मीडियावरून ‘बिग बॉस-3’ची घोषणा केली आहे. ‘कलर्स मराठी’ वाहिनीने शोचा टिझर सोशल मीडियावरून शेअर करत ‘‘दार परत उघडणार आणि एकच आवाज घुमणार, कारण येतोय बिग बॉस मराठी-3’’ असे कॅप्शन दिले आहे. त्यामुळे यंदा बिग बॉसच्या घरात कोण सेलिब्रेटी असणार, बिग बॉसचे घर यंदा कसे असणार, खेळात कोणते नवीन नियम असणार याची आतापासूनच सर्वांना उत्सुकता लागली आहे.
